Үшем, төртем дегенге құлағымыз үйренді, бесем дегенді естідіңіз бе? Перзентханаға келген келіншек бірден бес бала тапты. Бұл Өзбекстанның Әндіжан қаласында болған. Дәрігерлер әйелді кесарь тілігі арқылы босандырыпты. Отаға тәжірибелі акушер-гинекологтар, неонатологтар мен реаниматологтар қатысқан. Дүниеге келген нәрестелердің үшеуі – қыз, екеуі – ұл. Қазір анасы мен бесемнің жағдайы тұрақты, барлығы мамандардың жіті бақылауында екен.