Шавкат Рахмоновтың октагонға оралуы қиындап кетті.
Оны емдеп жатқан дәрігер Михаил Маркуартың айтуынша, жерлесіміз биыл да шаршы алаңға шықпайды. Өйткені медициналық штаб жарақатынан толық айықпаған Шавкатқа жекпе-жек өткізуге рұқсат бермей отыр екен. Әлі ешкімнен жеңілмеген файтер жанкүйерлерін тек келесі жылдың көктемінде қуантпақ. Айта кетейін, Шавкат Рахмонов жарақатына байланысты бір жарым жылға жуық ешкіммен төбелеспеді. Сол себепті UFC оны ресми рейтингінен уақытша шығарып тастаған.