Мемлекет басшысы Қасым-Жомарт Тоқаевтың «Әділетті қоғамға – шыншыл сөз» атты таңдаулы сөздерінің жинағы жарық көрді. Бұл туралы Президенттің ішкі саясат мәселелері және коммуникациялар жөніндегі көмекшісі Арман Қырықбаев мәлімдеді. Оның айтуынша, кітапта Мемлекет басшысының ел болашағы, әділетті қоғам, қауіпсіздік пен даму туралы әр жылдары айтқан негізгі ойлары топтастырылған. Жаңа шығарма жуық арада мемлекеттік кітапханаларға, жоғары оқу орындарына, колледждерге және жастар орталықтарына таратылмақ.