Футболдан Қазақстан ұлттық құрамасының бас бапкері белгілі болды. Федерациядағылардың көңілі бұл жолы да шетелдік маманға ауды. Енді біздің жігіттерді нидерландылық маман Джон ван ’т Шкип баптайды. Ол ойыншы кезінде-ақ Еуропа чемпионы атанған. Ал бапкерлік жолын таланттар тоғысқан «Аякс» футбол клубында бастаған. Бұған дейін халықаралық деңгейде Грекия және Армения құрамаларының тізгінін ұстаған. Сондай-ақ футболдан Қазақстан құрамасының бапкерлер штабы да құрылды. Бас бапкердің көмекшісі болып Нұрбол Жұмасқалиев пен Елдос Ахметов тағайындалды.
Жақсылық Жасұланұлы