Арнайы дайындалған магистрлердің алғашқы тобы диплом алды
Арнайы дайындалған магистрлердің алғашқы тобы диплом алды
11.01.2017


Оларды кәсіпорындар мен зауыттар тағатсыздана күтіп отыр. Іс-тәжірибе барысында кәсіби біліктілігін көрсеткен 121 магистрантқа үміт зор. Бұл туралы жұмыс беру туралы келісім-шартқа отырған компания басшылары мәлімдеді. Бір жарым жылдық оқу курстарын аяқтаған мамандарға бүгін салтанатты түрде магистр дәрежесі берілді. Айта кетейік бұл индустриалды-инновациялық дамудың мемлекеттік бағдарламасы аясында дайындаған алғашқы топ. Агро-техникалық университет тыңдаушылары «Азық-түлік өнімдері технологиясы» және «Технологиялық машиналар мен құрал-жабдықтар» мамандығын игерген. Стратегиялық маңызы бар жобаны жүзеге асыруға бюджеттен 420 млн теңге жұмсалған. Тауардың жаға үлгісін жасап, сынақтан өткізуге мүмкіндік беретін 4 зертхана ашылған.  Оқытушылар құрамы шетелден шақырылып, магистранттар дамыған елдердің өндіріс ошақтарына іс-тәжірибеден өтуге жіберілген. Алған білімін істе шыңдап, бизнес тілін меңгерген жас мамандар ертеңнен бастап іске кірісуге дайынбыз — дейді.

«Бізге белгілі бір ауылшаруашылық машиналардың деталі беріледі соны біз сызып шығару керекпіз. Өзінің автокат, компас деген бағдарламаларында. Сол бөлшектерді зерттеп шығарамыз» — Технологиялық машиналар және жабдықтар мамандығының магистрі Нұрсұлтан Қожамқұлов.



Достарыңмен бөліс: