Жаңа жыл алдында достар моншаға барады. Әдеттегідей жуынады, ішімдік ұрттайды. Достардың арасындағы ішімдікке жақын емесі өзі ойламаған оқиғаға тап болады. Оны қателесіп, әуежайға апарып, Ленинградқа ұшатын ұшаққа отырғызады. Бөтен қалада ол такси ұстап, өз үйінің мекенжайын атап, бөтен біреудің пәтерін өз кілтімен ашып кіріп, төсекке құлай кетеді. Біраздан соң пәтерде өзінің күйеужігітін күтіп жүрген пәтер иесі пайда болады. Қызықтың бәрі осы кезде басталады.