Жас ғалым Александр Сергеевич өз пәтерінде жаңа құрал ойлап табумен айналысады. Тағы біраз еңбектенсе, уақыт машинасы іске қосылмақшы, алайда кезекті талпынысының нәтижесінде көппәтерлі үйде электр қуаты өшіп қалады. Даурыққан тұрғындар оны шешіп әлек болып жүргенде, Александрдың пәтерінде түсініксіз жайттар орын ала бастайды: қабырғадан өткен дәуірге – Иван Грозныйдың заманына жол ашылады. Ал Шурик болса, пәтер тонаушы Жорж Милославскиймен ежелгі Русьтің сыртқы саяси мәселелерін шешуге кіріседі.