КОРОНАВИРУС В КАЗАХСТАНЕИсточник: kaz.nur.kz
Сәкен Майғазиевтің анасы жастарды азғыратын «Қалаулым» ток — шоуының жастарға берер тәрбиелік мәні жоқ екенін айтып, ұлы арқылы Аша Матайға сәлемдеме жеткізген. Бұл туралы әнші желідегі парақшасында жазды.
— Мамкаба-а-ай, ассалаумағалейкуууум!
— Уағалейкумәссәләм,
Қолыңды алам,
Сүйдім балам…
— Аман-есен асыл отанымыз, әсем Алматыма жеттім. Денсаулығыңыз қалай?
— Әу, Әләу? Әй, ана «Қалаулымды» жәй қойшы…
— Мә-ә-ә, мама, өткенде ғана «Сәкентай-ау, ана Аша қарындасыңмен күнде бірге жүрсің ғой, менің сәлемімді айтшы. Әнебіреу «Қалаулым» деген бағдарлама не сұмдық?! Ауыздарынан ақ ит кіріп көк ит шығып жатқандардың ата-әжесі, әке-шешесі, жақын-жұрағаты ұят болады деп айтпай ма? Жастарға не өнеге бермекші?!», деп маған ұрсып а(лы)п, өзіңі-і-із көруден жіберіп отырғаныңыз қалай?
— … Ей, анау, әлгі… Сонымен, айттың ба Ашаға?
— Иә, мама, олар өздері де үнемі қоңырау шалып, қатысуымды өтінеді. Бас тартып жүрмін. Бота (Аша) бағдарламаның жүргізушісі, әлгі боқтап сөйлейтіндер (туған-туыстары ұрыспайтындар) актерлер. Халықтың назарын аудару мақсатында жасалған аталмыш арнаның айласы екенін айтып ем ғой. Сіздің сөзіңізді жерге тастамайын деп, «Қалаулым» ұжымына xабарласқам…
— Ым?
— «Мақсатымызға» жеттік, көрермен жинадық, енді жастарды жақсылыққа жұмылдыратын боламыз деп жұбатты, мама. Шақырса бара берейін бе?
— Өзің біл, балам.
— Негізі, барлық бағдарламаға сіз көрсін деп барам ғой, анашым. Ел боламын десең экраныңды түзе!»,- деп жазған анасы екеуінің арасындағы диалогты қаз -қалпында берген әнші.
Сәкен Майғазиевтің жазбасын оқыған желі қолданушылары әншінің анасының айтқанына қосылатындарын, «Қалаулымның» тәрбиелік мәні жоқ екенін жазды.
