Той-томалақ даңғазаға айналып барады деп ашынатын едік. Енді қайғыны да жарысқа айналдырдық. Жаназаның өзінде бәсекелестік бар. Жұрт жақынын арулап жерлеуден бұрын, ас дайындауға асығатын тәрізді. Кісілер жылауға емес, сынауға келетіндей құдды. Бірақ, біле білсеңіздер, мүфтият жаназа дастарқанының тәртібін әлдеқашан бекітіп қойған. Ел тұрғындары мен мейрамхана, кафелер бұл шартты қаншалықты орындап жүр?