Алматы тауларында 13 жастағы бала жоғалып кетті. Достарымен бірге Бутаков шатқалына бағытталған жасөспірім байланысқа шықпай қалған. Тек GPS спутниктері арқылы соңғы рет «Панорама» лашығының маңында болғаны анықталыпты. Жүрегі алай-дүлей болған ата-ана бірден төтеншеліктерге хабар берген. Құтқарушылар топтасып жүріп, таулы аймақты түгел тексеріпті. Қуанышқа орай, баланы аман-есен тауып, ата-анасымен қауыштырды. Жауаптылар тауға дайындықсыз шықпауға шақырды.