Күн-түн демей блокпост күзетіп, карантин талаптарын қадағалап жүрген әскерилерге де қазір оңай емес. Ыстықтан ығыры шығып, тұрғындардың тыныштығын күзеткендер де біз бен сіз секілді жандар. Бірақ, олар да халық тарапынан қолдаусыз қалып жатқан жоқ. Алматылық азамат оңтүстік мегополистің шекарасында тұрған сарбаздар үшін ауласына шатыр тігіп, оларды ас-сумен қамтамасыз етіп жүр екен. Қайырымдылық ескерусіз қалмады. Оны Қорғаныс күштерінің басшылығы марапаттады.