Қазақ тіліндегі жоба әр аптадағы айшықты оқиғалар, соның ішінде, саясат, қоғам, әлем және әлеуметтік тақырыптарды қаузайды. Әр сенбіде шығатын бағдарлама алты күн ішіндегі айтулы жайттарға сараптама жасап, түрлі мамандардың пікірін көрерменге ұсынады. Сарапшылар пікірі, халықтың ойы мен журналистің зерттеуі толық қамтылады. Президент пәрмені, министр һәм депутаттар бастамалары, ұсыныстары қандай да бір тақырыппен ұштастырылып, көрерменге жеткізіледі.

•«Жақсы адам» айдары – аптадағы қаһармандардың портретін ашып, биографиясымен таныстырып, батырлығын әспеттейді

•«Бір кем дүние» айдары – жаһандағы соңғы жаңалықтарды сарапшылар көзімен жеткізеді

•«Қысқа – нұсқа» айдарында ел назарындағы кейбір оқиғаларды аздаған сарказммен жеткізіп, ирония қосып, ақпарат жеңіл жеткізіледі

•лайф сюжеттер дәл сол күнгі оқиға желісімен ұсынылады

Жобаның басты мақсаты – көрерменге аптадағы оқиғаларды терең, нақты зерттеумен және жан – жақты, түрлі тараптың пікірімен ақпарат  ұсынып, бұқараға ой салу.