Ал Шығыс Қазақстанда дала өртеніп жатыр. Бұқтырма су қоймасы маңындағы орман отқа оранды. Шатқалдың шетінен басталып, тұтас алқапты шарпыған тілсіз жау төтеншеліктерді әбден әбігерге салды. Өйткені желдің әсерінен пытырлап жанған бұта мен тарсылдап жанған ағашты ауыздықтау қиынға соққан. Ақыры тікұшақтың көмегімен Бұқтырманың суын бүркіп жүріп, жалынға тойтарыс берді. Өртті оқшаулауға ондаған маман мен орманшылар да атсалысқан.