Жуырда тағы да Сенат пен Мәжілістің бірлескен отырысы өтеді. Бұл туралы Парламент Мәжілісінің ресми сайтында жарияланды. Хабарламаға сүйенсек, қос палата депутаттары 26 маусым күні сағат 10:00-де бас қоспақ. Алайда талқыланар тақырыптың қандай болары әзірге белгісіз. Бұған дейін биліктің жоғары тармақтары 20 мамырда жиналған. Депутаттар екінші оқылымда Президент, Құрылтай, Қазақстан Халық кеңесі, астананың мәртебесі секілді бірқатар заң жобаларын талқылаған болатын.