Бүгін Маңғыстау облысында әскери борышын өтеу кезінде қаза тапқан жауынгерлермен қоштасу рәсімі өтті. Қаралы жиынға аймақ әкімі Нұрдәулет Қилыбай, Қорғаныс министрі Дәурен Қосанов, Бас мүфти Наурызбай қажы Тағанұлы, сондай-ақ Ұлттық құрылтай мүшелері мен марқұмдардың қызметтестері қатысты. Жиналған қауым әскерилердің туған-туыстарына көңіл айтып, қайғыларына ортақтасты. Мемлекет басшысының тапсырмасымен қаза болған азаматтардың отбасыларына тиісті әлеуметтік төлемдер төленіп, жерлеу рәсімін ұйымдастыруға толықтай материалдық қолдау көрсетілуде.