Кеше Бакуде, бүгін Ереванда. Жарғақ құлағы жастыққа тимейтін Президент қазір Армения астанасында жүр. Кавказдың күнгейіндегі мемлекет бұл жолы COP17 халықаралық саммитін өткізуге мұрындық болған. Никол Пашинянның шақыруымен барған Қасым-Жомарт Тоқаев форумға қатысу үшін Еревандағы «Meridian Expo and Event» орталығына келді. Мемлекет басшысын Армения Премьер-министрі мен БҰҰ Бас хатшысы Антониу Гутерриш күтіп алды. Алқалы жиында биоалуантүрлілікті сақтау және жер шарындағы табиғи мұраны қорғау мәселелеріне назар аударылмақ.