Шымкенттің мектептерінде 170 мыңнан астам оқулық жетіспейді. Бұл былықты прокурорлар анықтаған. Сонымен қатар қадағалаушы орган өкілдері 110 мыңнан астам тозған және пайдалануға жарамсыз кітаптың бар екенін білген. Мәселен, Оңдасынов атындағы №38 мектеп-гимназиясы бесінші сыныптарға арналған ағылшын тілі пәнінен 293 оқулыққа сұраныс бергенімен, небәрі 90 данасын алған. Соның салдарынан оқушыларға мұқабалары мен түптері бүлінген, парақтары жоқ, тоз-тозы шыққан кітаптар беріліпті. Прокурорлар араласқаннан кейін ғана 46 мыңнан астам ұл-қызға оқулықтар беріліп, кінәлі 73 тұлға жауапкершілікке тартылыпты.
ҚР БАС ПРОКУРАТУРАСЫНЫҢ ӘЛЕУМЕТТІК ЖЕЛІДЕГІ ХАБАРЛАМАСЫНАН:
Соңғы үш жылда оқушылар саны ескеріле отырып, кітап қорына түгендеу жүргізілмеген. Оқулықтарды жаңарту мерзімділігі сақталмаған, ал сатып алынған кітаптар мектептердің нақты қажеттілігін толық өтемеген.