Бұл — антқа адалдықты Отанға деген шексіз махаббаттың биік үлгісі деп білген нағыз қаһарман туралы хикая. Қаңтар қасіреті кезінде Жамбыл облысы бойынша ҰҚК департаментінің ғимаратын қорғау үстінде қаза тапқан офицер тек ведомстволық нысанды емес, бүкіл елдің бейбіт аспанын қамтамасыз ету жолында жан қиды.
Отбасы мен әріптестерінің естеліктері және мұрағаттық кадрлар арқылы фильм өз халқының қауіпсіздігін бәрінен биік қойған тұлғаның бейнесін ашады. Бұл — патриотизмнің мәні туралы терең толғаныс: ол туған шаңырақтың жылуынан, сертке беріктіктен және болашақ ұрпақ үшін өзін құрбан етуге дайын болудан құралады. Фильмнің әрбір кейіпкері мен көрермені «шынайы махаббат деген не?» деген сұраққа өз жүрегінен жауап іздейді.