Алматыда алтыншы қабаттан құлай жаздаған баланы құтқарушылар аман алып қалды. Үйінде жалғыз қалған бес жастағы бүлдіршін терезенің сыртына шығып кеткен. Абырой болғанда көршілері байқап қалып, бірден 112-ге хабарласыпты. Оқиға Мәдениет ықшам ауданындағы көпқабатты тұрғын үйлердің бірінде болды. Дереу жеткен мамандар биікке автосатымен шығып, қатты қорқып қалған баланы жерге түсірген. Өйткені үйдің есігі құлыптаулы екен, ал іште ешкім болмаған.