Қазақстан халқының саны 20 млн 600 мыңнан асты. Ұлттық статистика бюросы жаңа мәлімет жариялады. Сонымен Алматы қаласы мен Түркістан облысы тұрғындар көп шоғырланған өңірлердің көшін бастап тұр. Ал Астанада 1 млн 690 мыңнан астам адам тұрады. Одан кейін миллион халқы бар аймақтардың қатарын Алматы облысы, Шымкент қаласы мен Жамбыл және Қарағанды облысы толықтырған. Ал адам сирек қоныстанған өңір — Ұлытау облысы, бар-жоғы 217 мыңнан асады. Солтүстік Қазақстан мен Абай облысында да халық саны 500 мыңнан асар-аспас қана.