Осы мейрамға орай Мемлекет басшысын өзге елдің президенттері мен лауазымды тұлғалары да құттықтады. Бауырлас Өзбекстан мен Қырғызстанның басшысы жеделхат жолдады. Тәжікстан мен Түркіменстанның лидерлері де бұл тізімнің сапын толықтырды. Сондай-ақ Біріккен Араб Әмірліктері мен Кувейт, Алжир, Ауғанстан секілді ислам елдерінің басшылары Қасым-Жомарт Тоқаевқа ізгі тілектерін жеткізді. Барлығы да Құрбан айттың елдер арасындағы достық пен ынтымақтастықты бекемдей түсетінін баса айтты.