Қазақстанда реабилитолог-дәрігерлер жетіспейді. Әсіресе, жүрек дертіне шалдығып, инсульт алғандар маман тапшылығының зардабын тартуда. Осы бір сырқатпен жыл сайын 40 мыңдай қазақстандық ауруханаға түседі. Соның бес мыңы алғашқы он күнде көз жұмады екен. Ал денсаулық сақтау саласына енгізілгелі жатқан жаңа жүйе осындай келеңсіз көрсеткішті азайтып, отандық медицинаға серпін береді.