Мектепті – монитор, сыныпты смартфон алмастырған биылғы білім күні бұрынғыдан өзгерек. Мерекелік шараны үйінен тамашалаған миллиондаған оқушы үшін алғашқы қоңырау онлайн түрде соғылды. Дегенмен кезекші кластарда оқитын бірінші сыныптың балалары бүгін ұстаздарымен танысып, алғашқы сабақтарын да өтіп үлгерді. Ал көктемде ойраны шыққан онлайн оқуға мектептер қаншалықты дайын? Ұстаздардың жалақысы екі есе өсетіні рас па?