Сәтсіз аяқталған сюрприз Алматыдағы дәмханалардың бірінде төтенше жағдайға ұласты. Оқиға куәгерлерінің айтуынша, қызметкерлер қонаққа тосын сый жасап, шырақ жағып, романтикалық атмосферада құттықтамақ болған. Алайда алау ғимарат ішіндегі қымбат декорға тиіп кетіп, соңы өртке ұласқан.
Әйтеуір мекеме қызметкерлері арнайы баллонмен жалынды дереу ауыздықтаған. Бірақ құтқарушыларға хабарласпаған. Соған қарамастан бұл оқиға қалалық төтенше жағдайлар қызметінің назарынан тыс қалмады. Қазіргі уақытта тексеріс жүріп жатыр.