Ақордада елімізге ресми сапармен келген Чех Республикасының премьер-министрі Андрей Бабишті қарсы алу рәсімі өтті. Мәртебелі мейманды Қазақстан Президенті қабылдап, құрмет қарауылының қатысуымен екі елдің мемлекеттік әнұрандары шырқалды.
Сапар аясында тараптар саяси-экономикалық ынтымақтастықты нығайту және инвестициялық жобаларды дамыту мәселелерін талқылады. Сөз соңында Андрей Бабиш қонақжайлық танытқаны үшін Қасым-Жомарт Тоқаевқа ризашылығын білдіріп, еліміздің түрлі салада жеткен жетістіктеріне жоғары баға берді.