Ақордада дүйсенбіден бері басталған ауыс-түйіс әлі жалғасып жатыр. Президент пәрменімен Сыртқы істер министрі Ермек Көшербаев қызметінен босатылды. Бұл орынға елге есімі таныс, бұрын осы қызметте болған Мұхтар Тілеуберді жайғасты. 58 жастағы шенеунік бұған дейін Аустриядағы Қазақстанның Төтенше және өкілетті елшісі болды. Айта кетейін, жаңа министр Оңтүстіктің тумасы. Ол 1990 жылы Киров атындағы Қазақ мемлекеттік университетінің философия-экономика факультетін тәмамдаған.