Вера мен Андрей ұлдарымен бірге шағын қалашықта тұрады. Бірде ерлі-зайыптылар Мәскеуге көшіп, жаңа өмір бастамақшы болады. Өкінішке орай, Вераның сұлулығы мен тартымдылығы өзіне бәле болып жабысады. Вера бетін қайтарған қалталы Багров қайтсе де әйелден кек алып, оның отбасының шырқын бұзбаққа бекінеді.

Сүттей ұйып отырған берекелі отбасының шырқы бір сәтте бұзылады. Отағасы жас көңілдесінің ізінен кетеді, ал бар ауыртпалық балалары кішкентай әйелге келіп түседі. Барлық кейіпкер өмірден өзіндік сабақ алды. «Қолда барда алтынның қадірі жоқ». Қадіріне жете білген адамға тағдырдың дайындаған сыйы бар.

Ақкөңіл, өзі сұлу Гуля есімді келіншек күйеуі Анзурмен бірге Тәжікстаннан күн көру үшін келді. Анзур – құрылыста бригадир болса, Гуля – құрылыста аспаз. Ерлі-зайыптылар жақын уақытта ата-ана атанбақшы, ал Анзур жұмысынан жақсы ұсыныс алды. Алайда аяқ астынан болған қайғылы оқиға бақыттың күлін көкке ұшырды. Анзур төбелесте қаза тауып, байғұс Гуля көк тиынсыз, құжатсыз далада қалады.

Иринаның жасы 30-ға таяды, оның ең үлкен тілегі – тұрмысқа шығу. Бір жарым жылға созылған қарым-қатынастан соң бастығы Юрий әрең дегенде үйленуге ұсыныс білдірді. Келесі күні таңертең Ирина бөтен біреудің пәтерінде сүйкімді бір жігітпен бір төсекте оянады. Ал асүйден өліп жатқан әйелдің мәйітін табады…

Ірі көлік компаниясының қожайыны, «Папа Карло» деген лақап атты Константин Воронцов жалғыз қызы Катяның оның ризашылығын алмастан күйеуге шығып жатқанына көндіге алмайды. Қызын райынан қайтару үшін Константин күйеубаласы Максимді абақтыға жаптыру мақсатында орға жығады. Қызғаныштан көзін шел басқан әке тек қызының өз тағдыры бар екенін ұмытып кеткен сыңайлы.

Олег — жібі түзу жігіт, университетте оқиды, дәрігер болып, бала кезден ұнататын қызы Настяға үйленуді армандайды. Алайда бір сәт өмірінің астаң-кестеңін шығарады. Настя абайсызда адам өлтіреді. Оған деген махаббаттың күшімен Олег қызға түрмеден қашуға көмектесіп, бар кінәні өз мойнына алады. 6 жылдан кейін Олегті мерзімінен бұрын бостандыққа шығарады. Алайда сүйгені басқа біреуге тұрмысқа шығып кеткен.

Телехикая полицияның айрықша қылмыстық бөлімінің кеңесшісі, 42 жастағы Даниил Романов туралы баяндайды. Кезінде өзін басқалардың ойын оқи білетін көріпкел ретінде танытқан ол тамаша менталист, тәжірибелі психолог. Ақыл-ойы айрықша дамыған оның қолынан басқаларды сендіру, арбау да келеді. Осыншама жан-жақты адамның құпиялары да көп. Олардың барлығы телехикаяның әрбір сериясы сайын ашыла түседі.

Фирсовты шағын Заозерск қалашығының қожайыны десе де болады. Және ең қызығы: ол әділ басқарады. Ол өз қаласы, үйі, отбасы десе, ішкен асын жерге қояды. Алайда байлық пен билік оған да, жақындарына да бақыт сыйламайды.

Катя, Тамара, Света мен Женя бала кезден дос: олар бір аулада ойнап, бір мектепте оқыды. Катерина мықты дәрігер атанды, Тамара екі баланың анасы, Света табысты заңгер, ал Женька риэлторлықпен айналысуда. Өздері сүйіп, сүйікті болуды қалағанымен, төрт құрбының ер-азаматтармен қарым-қатынасы мәз емес.