9 жылдан бері әлі салынып бітпеді! Бас қалада 2012 жылы кірпіші қаланып, осы уақытқа дейін қаңырап тұрған «Комсомольский» кешенінің үлескерлері бас көтерді. Соңғы тиынына дейін мердігер компанияға санап беріп, соңында жер сипап қалған тұрғындар заңды шаршы метрлерінің тезірек пайдалануға берілгенін қалайды. Шенділердің құрғақ уәдесінен шаршаған пәтер иелері қала әкімдігіне құрылысқа дереу жаңа инвестор тартылсын деген талап қойды.