КИНО ЖӘНЕ ТЕЛЕХИКАЯЛАР

Шығарылған жылы: 2015
Шығарушы ел: Ресей
Режиссер: Ренат Давлетьяров
1942 жылдың мамыры. Ұлы Отан соғысының қызған шағында майдан шебінен алыстағы разъезге фашистер Киров теміржолына және Беломор-Балтық арнасына жету мақсатында десант түсіреді. Бұл қарапайым жаяу әскер емес, тәжірибелі, әбден машыққан жауынгерлер. Оларға қарсы старшина Васков пен бес зенитші қыздар қарсы тұрады.

Шығарылған жылы: 2018
Шығарушы ел: Ресей
Режиссер: Ким Дружинин
Фашистік Германиямен соғыс қарсаңында инженер Михаил Кошкин жаңа инновациялық Т-34 танкінің үлгісін әзірлейді. Ұрыстық машинаның бірегейлігін дәлелдеу үшін Кошкин мен оның командасы Мәскеуге танк мініп барады. Жолда түрлі қиындықтар мен кедергілерге тап болған олар оның барлығын еңсеріп, Т-34 танкінің артықшылығын дәлелдейді.

Шығарылған жылы: 2001
Шығарушы ел: Ресей
Режиссер: Тигран Кеосаян
Соғысты кәсібіне айналдырған үш достың өмір тарихы. Бұрынғы «ауғандықтар» шөл даланы, тау-тасты кезіп, жалданбалы сарбаз болып, үлкен ақша табады. Соғыс қайда болса, сонда жол тартқан сарбаздар күндердің күнінде бір бірінен алшақтап кетті. Араға он жыл салып, олар Шешенстандағы ұрыс алаңында кездесті.

Шығарылған жылы: 2017
Шығарушы ел: Ресей
Режиссер: Филипп Коршунов
Соколовтар мен Бутузовтардың үлкен отбасында жас жұбайлармен қоса ата-аналардың бірге өмір сүруі оңайға соқпасы анық. Алайда десе де, барлығының тырысуымен тату-тәтті өмір сүруде. Бір қызығы: жастар да, ата-аналар да жақында балалы болады.

Шығарылған жылы: 2018
Шығарушы ел: Ресей
Режиссер: Екатерина Шагалова
Варя өзінің балалық шақтағы махаббаты – Иван Петрович Собольді кезіктіріп қалады. Мектеп кезіндегі құрбысынан ол Иванның жол апатында әйелі мен баласынан айырылып қалғанын біледі. Осы тұста Варя Иванға 10 жыл бұрын өзі жұмыс жасаған емханада ЭКО материалдарды ауыстырып алғандарын, және қазір басқа отбасында оның туған ұлы өсіп келе жатқанын айтып беруге бекінеді.

Шығарылған жылы: 2016
Шығарушы ел: Ресей
Режиссер: Владимир Янковский
Гриша Марусяны планетарийге шақырады. Ақыр заман болмағанымен, дәлізде уфолог Юрий Федоровичтің мәйіті табылады. Детектив әңгімелерді жаны сүйетін Маруся Гришамен бірге ғалымды әлдекімдер өлтіріп кетті деген шешімге келді.

Шығарылған жылы: 2015
Шығарушы ел: Ресей
Режиссер: Леонид Мазор
Лена мен Павел – өте білімді әрі мәдениетті ақсүйектер отбасы. Отбасыдағы сыйластық пен ықтымақтастықты жалғыз ұлдары Даняның таныстырған болашақ жары Нюся бұзды.
Бұл әулетке жат әдепсіздік, жеңілтектік пен дөрекілік сияқты қасиеттердің барлығы болашақ келіндерінің бойынан табылады.
Ұлдарының бақыты үшін Лена мен Павел келіндерінің әдепсіздігіне көз жұма қарауға бел буады. Алайда «қамысты бос ұстасаң, қолыңды қияды» демей ме…

Шығарылған жылы: 2019
Шығарушы ел: Ресей
Режиссер: Илья Казанков
Люся түс көреді. Түсінде сіңлісі Марияны өлі күйінде көреді. Бұл түстің тегін емес екенін сезген қыз әпкесінің жоғалып кетуі жөніндегі іспен айналысушы тергеуші Потаповқа келіп, қылмыс орны мен қылмыскерді сипаттайды. Қызға сене қоймаған тергеуші оны жылы сөйлеп, шығарып салады. Алайда біраз уақыт өтісімен Люсяның сіңлісінің мәйітін табады, ал қылмыс орны Люся сипаттағандай болып шығады. ІІБ басшысы Потаповтың қарсылығына қарамастан, Люсяны органға жұмысқа шақырады. Оның көріпкелдік қасиеті жұмыста көп көмегін тигізеді деп сенеді.

Шығарылған жылы: 2018

Шығарушы ел: Ресей

Режиссер: Елена Николаева

Кардиохирург Илья Ладынин өмірден баз кешіп жүр: әйелі дүние салды, ұлы әкесін анасының өліміне кінәлі деп санайды да, әжесіне көшіп кетеді. Бар сенері – жұмысы, алайда кез келген хирург үшін ең қорқыныштысы – қолдың треморы дертіне шалдығады. Ладынин ота үстінде адамды аман алып қала алмай, медицинадан түбегейлі кетуге бел буады. Алайда күтпеген жерден ұсыныс алады. Аурухананың ішкі тексерулерімен айналысатын бөлімшені басқаруға көшеді. Осылайша, әйелін емдеу барысында неден қате кеткенін анықтамақшы болады.

Шығарылған жылы: 2016-2018

Шығарушы ел: Ресей

Режиссерлер: Павел Симонов, Кирилл Капица, Михаил Макаренко, Сергей Малюгов

Полиция қызметкерлерінің тәжірибелі және ұйымшыл тобы жаңа істерді тергеуге құлшыныспен кіріседі. Полковник Соловецтің, капитандар Рыданов пен Потаповтың және бөлімдегі жалғыз әйел заты Маргаританың өмірінде күлкілі жайттар, жеке өмірлерінде өзгерістер, сәтсіздіктер мен қуанышты жағдайлар орын алуда. Аса қауіпті әрі күрделі қызметтерінде де барлығы бірқалыпты бола бермейді. Алайда әділдік салтанат құруы үшін кейде ұстанымдармен жүруге тура келеді.