Питер Паркер (актер Тоби Магуайр) қарапайым мектеп оқушысы болатын. Бірде кейіпкеріміз сыныбымен бірге экскурсияға аттанып, онда оны мутант-өрмекші шағып алады. Уақыт өте келе жігіт бойынан ерекше қабілетті байқайды – оның қозғалыста икемі артып, қабырғаны өрмелеп, болат өрмек тоқи бастайды. Ол бұл қасиеттерін әлсіздерді қорғауға бағыттайды. Осылайша Питер адамдарға көмектесіп, қылмысқа қарсы күресетін Өрмекші адамға айналады.