Михаил Юляға ессіз ғашық. Бірнеше ай бойы кездесіп, сын сағаты қыздың ата-анасымен танысарда туды. Өктем генерал Макар Ильич пен оның қатаң әйелі Вера Васильевна күйеубаласының жақсы отбасынан шыққан лайықты азамат болғанын қалайды. Генерал жас жігіттің ата-анасымен танысуға ниет білдіргенде, анасы баяғыда қайтыс болып, әкесі абақтыда отырған Миша екі кәсіби актерді жалдап, өзінің ата-анасын ойнауды сұрайды. Кездесу жақсы өтеді, той күні белгіленеді. Алайда салтанатты кештің алдында түрмеден Мишаның нағыз әкесі шығады.