Сағызша созылған сақалды құрылыс. Талдықорғанда Абай атындағы орта мектептің күрделі жөндеуі әлі күнге бітпей тұр. Былтыр тамызда басталған жұмыс биыл ақпанда аяқталуы тиіс еді. Алайда, келісім-шарт негізінде наурызға шегерілген екен. Соның өзінде қазір құрылыстың 70 проценті ғана аяқталыпты. Әлі қаншаға созылары белгісіз. Мұндай салғырттықтың салдарынан зардапты оқушылар мен ата-аналар тартуға мәжбүр. Балалар қаладағы үш мектепке бөлініп барып, кезекші сыныптарда оқып жүр.