Еліміздің полицейлері 8 наурызға орай, қыз-келіншектерге мерекелік көңіл күй сыйлады. Әр салада қызмет етіп жүрген әйелдер қауымын құттықтап, түрлі тәсілмен таң қалдыруға тырысты. Мәселен, көлік тізгінінде жүргендерге аруларға әкімшілік хаттама емес, гүл шоқтарын ұсынды. Сондай-ақ, қызметтік иттің көмегімен де тәнті қылып, патрульдік көліктермен арнайы флешмоб ұйымдастырды.