Қараңғы көшеде белшеден батпаққа батып жатырмыз! Арнамызға шағымданған Тараз тұрғындары осындай базыналарын айтты. Облыс орталығында тұрсақ та жағдайымыз кей ауылдардан нашар, — дейді жұрт. Қант зауыты аумағында тұратындар жылдар бойы әлеуметтік мәселелердің шешілмей келе жатқанына наразы. Сан мәрте жергілікті билік басындағыларға шағымданғанымен одан нәтиже болмаған. Шыдамы таусылған көпшілік сол себептен бүгін көшеге шықты.