Төбемізге сылақ түсіп, күндіз мазамызды, түнде ұйқымызды қашырды. Арнамыздың тілшілеріне осылай деп мұңын шаққан Текелі қаласының тұрғындары былтыр алған жаңа үйлерінің сапасына сын айтуда. Оның үстіне, балаларының қауіпсіздігіне де алаңдап отыр. Өйткені, 40 пәтерлі баспана көпбалалы және аз қамтылған отбасылар мен мүгедек жандарға берілген. Сондықтан, қайта жөндеу жүргізуге көбісінің шамасы жетпейді.