Отандастарымыз Риддердегі алапат өрттен зардап шеккендерге көмек қолын созуда. Қайырымдылық қорлары ашылып, жер-жерден азық-түлік пен өзге де керек жарақтар жеткізіліп жатыр. Кеше түс ауа Лесхоз кентінде тұтанған қызыл жалыннан бір адам қайтыс болып, екі адамның денесін түгелдей күйік шалған болатын. 283 гектар аумақ өртеніп, 35 тұрғын үй күлге айналды. Өрт неден тұтанған? Еліміздің шығысындағы оқыс оқиғаның жай-жапсарын тілшіміз баяндайды.