Жер шетелдіктерге сатылмайды, жалға да берілмейді! Бүгін мемлекет басшысы бұл мәселені бір жола түбегейлі шешетін заңға қол қойды. Демек, ауылшаруашылық және орман өсіруге арналған жер өзге елдің компанияларымен қоса, шетелдік үлесі бар отандық кәсіпкерлерге де сатылмайды. Одан бөлек, азаматтығы жоқ адамдарға, ғылыми орталықтарға, тіпті қандастарға да орман өсіруге жер берілмейді. Ал, шетелдік серіктестікке ие қазақстандық компаниялардың бұған дейін жалға алған жерлерінің пайдалану мерзімі ұзартылмайды.