Көпбалалы отбасыларға обал болды! Павлодарда мемлекеттік тапсырыспен салынған жалдамалы үйдің шатыры қирап, қабырғасы сөгіліп, іргетасы отырып жатыр. Пайдалануға берілгеніне бір жыл да толмаған қоныстары қазірдің өзінде қауіпті болып тұр. Жанұялар пәтерге енді көшкенде жуыну бөлмесі мен әжетханадағы бұйымдар да ескі болды дейді. Ал арызын мердігерге жеткізгенде, олар осыған да шүкір етіңдер деп қысқа қайырыпты.