«Ат аунаған жерде түк қалады» деуші еді халқымыз. Енді бұл мақалды адам жүрген жерде қоқыс қалады»деп өзгертеміз ау. Себебі соңғы жылдары адамзаттан шыққан қалдық көбейгеннің үстіне көбеюде. Әлемді қоя тұрайық. Жағдай елімізде де оңып тұрған жоқ. Тұмса табиғатымызды күл-қоқыс басып барады. Тұрмыстық, өндірістік қалдықтарды жіберетін жер жоқтың қасы. Оны өңдеп, қайта сұрыптайтын өнеркәсіптер де жағдайды еш реттер емес. Енді бұл мәселе қалай шешілмек? Жауаптылар қандай шара қолданбақшы? Бұл сұрақтар бүгін Үкіметте Экология министріне қойылды.