Кинода қос ғашықтың арасына түсіп, Төлегеннің арқасынан оқ атқан Бекежан, өмірде керісінше екеуінің қосылуына себепші болғанын біреу білсе, біреу білмейді. 89 жасына қараған шағында Қазақстанның еңбек ері, Халық әртісі, Асанәлі Әшімов дүние салды. Соңғы сұхбаттарының бірінде Қыз Жібекке түскендерден «Жібек екеуміз-ақ қалдық» — деп еді актер, енді өзі де Төлегеннің артынан келмеске кете барды. Қасым-Жомарт Тоқаев оның отбасы мен жақындарына көңіл айтты.