X Factor ауқымды тележобасы да мәреге жетті. Еліміздің әр түкпірінен мыңдаған үміткер бақ сынаған дүбірлі доданың Гранд Финалы өтіп, ақтық мәреде топ жарған жаңа жұлдыз белгілі болды. Ол миллиондаған теле көрермендердің оған дауыс ретінде берілген ыстық ықыласынан бөлек, 7 млн теңге арнайы қаржылай марапатты да қанжығасына майлады. Айта кету керек, X Factor тележобасын Қазақстанда көрсету құқығы біздің Еуразия телеарнасында. Мега Жоба 2011 жылдан бері жалғасып келеді. Енді үміткерліктен жеңімпазға дейінгі сүрлеуден сүрінбей өткен басты қаһарманның өзімен тілдессек.