ҚР-да КОРОНАВИРУСАқтөбеде мал ұрлығымен айналысатындар бүтін бір ауылды үрейде ұстап отыр. Жыл сайын 70-80 бас жылқысын үнсіз айдап кеткенге ауылдықтар амалсыз көніп келген. Себебі, полицейлерге сенім жоқ екендігін айтады. Тіпті, қылмыскерлерді анықтап, тауып берігеннің өзінде, артынша іс ашылмайтын болыпты. Әбден ашынған олар бүгін аймақтың бас полицейінен араша сұрай келді. Құр араша сұрап қоймай, күдіктілерді қорғаштап отырған қарамағаңыздағылар екенін білесіз бе деп мәлімдеме жасады. Бұл қаншалықты шындыққа жанасады? Ауылдықтар ұрылардың артында тұрған полицей деген кім? Ақбаян Сұлтанмұратова анықтап келді.
Қамидолла Жүсіповтің әділдік іздеп жүргеніне бір жылдан асқан. Шаруа қожалығын ашып, кәсібімді дөңгелетем деген жоспарын ұрылар тас-талқан еткен. Бір түнде 13 бас жылықысын айдап кеткенде лезде полицейлерге арызданған. Тіпті, нәтиже болмаған соң, өзіме тергеуші болуға тура келді деп отыр.
ҚАМИДОЛЛА ЖҮСІПОВ, «ҚҰЛАГЕР» ШАРУА ҚОЖАЛЫҒЫНЫҢ ИЕСІ: «Менің 1 жылқымды алып берді сол жерде. Екі жылқыны сойып тастаған. Барлығы түсініктеме берді, дұрыс, біз мойындап, бәленше анаған қай адамнан алғанын, қандай көлікпен келгенін, , барлығын көрсетіп бердім. Ертеңіне уже жарты, 1 айдан кейін следователь барады да, аналардың барлығын бас тартты дейді. Структурный подразделениенің адамдарының қатысы бар ғой. Ембінің. Ол жерде 21 басты жалғыз адам қуып игере алмайды ғой. Оған жүрек керек, потенциал керек. Оған көлік керек».
Бұл жалғыз Жүсіповтің басындағы мәселе емес екен. Әйтеке би ауданына қарасты Талдық ауылында жыл сайын 70-80 бас жылқыны ұрылар алдына салып айдап кетуді әдетке айналдырған. Полицейлерден қайран болмағаннан кейін Қамидолла Жүсіпов өз малын өзі іздеуге шыққан. Әрі күдіктілерді таптым деп отыр. Бірақ, осы күнге дейін іс бір орыннан қозғалмай тұрғанын айтады.
ҚАМИДОЛЛА ЖҮСІПОВ, «ҚҰЛАГЕР» ШАРУА ҚОЖАЛЫҒЫНЫҢ ИЕСІ: «Алимағанбетов Ерлан інісі бар, бірге, ол да ішкі істер органдарында істейді бірге. Менің жылқыларымды сатып, соның қызығын көріп жүр екен. Қайыңды деген жерде оның жылқышысы бар, арқасында қосауыз мылтық, вертикальный, басшысы начальник полиции, Ембініңхозяины болғасын кімнен қорқады, мылтықпен жүреді!».
Әбден ашынған кәсіпкер облыстық полиция департаменті басшылығы ұрыларға тезірек шара қолдануын талап етті.
МАХАМБЕТ ӘБИСАТОВ, ОБЛЫСТЫҚ ПОЛИЦИЯ ДЕПАРТАМЕНТІНІҢ БАСШЫСЫ: «Қанат Базарбаевич, Омар Тәңірбергенович, тергеу басқармасының бастығы, криминалды полиция басқармасының басшысы, өзіндік қауіпсіздік басқармалары басшылары тергеу тобын құрып, бүгіннен бастап жіберіңдер ауданға, тиісті шаралар қолдансын. Мен өзім бақылауда ұстаймын, сіз де бақылауда ұстаңыз! ».
Есептік кездесуде Ақтөбенің бас полицейі қарамағындағылардың соңғы уақытта қылмысты ашуға келгенде қауқарсыз екендігін мойындады. Сиырқұйымшақтанып, әлі күнге дейін беті ашылмай келе жатқан қылмыстық істердің саны 2018 жылы көбейгенін айтты. 2017 жылы полицейлер құлшынып жұмыс істеп, өте жақсы көрсеткішке қол жеткізсе, бір жылдан кейін күрт құлдырапты. Бұған бірінші кезекте қызметкерлер мен басқарма басшыларының жұмысты ұйымдастыруда біліксіздігі себеп деді. Әрі қылмыс жасаушылардың 89 пайызы, ұры-қарының 80 пайызы жұмыссыздар екен. Бұл да көрсеткішке әсер етпей қоймайтынын түсіндірді.
