Бүгін Алматы көшелері қауіпті аумаққа айналды. Сырғыған көлік, шошынған жұрт және бұл көріністі камераға түсіруге асыққан жандардың қарасы көбейді. Көктайғақ коллапсында жиырмадан астам автомобиль апатқа ұшырапты. Онсыз да кептелістен көз ашпаған мегополис тұрғындары коммуналдық мекемелерді жерден алып, жерге салып жатыр. Енді темір тұлпарлары бүлінген жандар бар шығынды қала әкімдігінен өтеп алмақ.