«Маңғыстауда малдың қырылуы жыл сайын болатын жағдай. Бұдан жұт не төтенше жағдай жасаудың қажеті жоқ. Ал, қырылған малдың саны неге ресми аз көрсетілген десеңіздер, оған шаруалардың өзі жауапты. Себебі, көбінің сырғасы жоқ, ресми тіркелмеген. Сондай-ақ, енді субсидия шаруаларға материалдық көмек ретінде таратылмайды. Әр демеуқаржы алған фермер жаңашылдық, не тың технология енгізуі керек». Парламенттегі Үкімет сағатында Ауыл шаруашылығы министрі осылай-осылай сөйледі. Ербол Қарашөкеевтің тағы да қандай тың жаңалықтары барын тілшіміздің келесі сюжетінен біле аласыздар.