Қасым-Жомарт Тоқаев «Спутник-V» екпесін салдырды. Президенттің баспасөз хатшысы Берік Уәли мемлекет басшысының жағдайы қалыпты, ешқандай әсер болмағанын атап өтті. Ал, елордада коронавирусқа қарсы екпе алуға ниеттілерді тіркеу басталды. Қала әкімдігі апта соңына қарай жаппай вакцинациялау науқаны басталады, дейді. Алтай Көлгіновтың сөзінше, 600 мың адам вакцина алуы тиіс. Сондай-ақ, екпе ем-дом орындарынан бөлек, қонақ үйлер мен ойын-сауық орталықтарында да салынбақ.