Ауған халқы азық-түліктен бөлек дәрі-дәрмектен таршылық көріп отыр. Себебі, елде бір аптаға ғана жететін препараттың қоры қалған. Мұндай мәлімдемені Дүниежүзілік денсаулық сақтау ұйымы жасады. Халықаралық қауымдастық гуманитарлық көмекті Кабул әуежайы жабылғандықтан, Ауғанстанға жеткізе алмай отыр екен. Сондай-ақ, елдегі дүрбелеңге байланысты коронавирус жұқтырғандардың қатары артып, халықты вакциналау қарқыны төмендеген.