Коммуналдық желіні жаңартып, су кіргіземіз деп, жолдың быт-шытын шығарды. Онымен үйге келіп тұрған таза су да жоқ. Алматылық ағайынды ашуландырған құрылыс бір жылдан бері сиырқұйымшақтанып келеді. Наурызбай ауданының Құрамыс ықшамауданының тұрғындары шаң мен топырақтан шаршадық дейді. Мұнысымен қоймай құбырларды да тұрғындар қалай болса солай тастап жатқанын және бұған ешкімнің бас қатырғысы келмейтінін алға тартты. Жаппай көшеге шығып кеткен жұртқа біздің тілшіміз басу айтып қайтты.