Новости

Қорғаныс министрлігіндегі былық. Ведомствоға қарасты еншілес компания еліміздің түкпір-түкпіріндегі кәсіпкерлерді жұмыспен қамтып, соңында еңбекақыларын төлемей кеткен. Алды екі жылдан бері қаржыларын ала алмай жүр. Бір қызығы азаматтарға берешегі бар мекеме жабылғалы жатыр екен. Ал, оның мойнындағы қарызды кім өтейтіні әлі белгісіз. Міне, маңдай терімен тапқан ақшасын даулаған бір топ кәсіпкер бүгін Қорғаныс ведомствосына жиналып, су жаңа министрден заңсыз әрекетке нүкте …

Мүгедек балалар туберкулез диспансерінде емделеді. Осыны естіген мүмкіндігі шектеулі ұл — қыздардың ата — анасы айқай шығарды. Қауіпті дерт жұқтырғандарды емдейтін орталықтың көшірілуіне тұрғындар да қарсы. Ақыл -есі дұрыс, бірақ қимылдауы қиын балалардың құрт ауруын емдейтін мекемеге ауыстырылуына не себеп? Бұл бастама тағдыр тәлкегіне ұшыраған жандардың жағдайын одан сайын өршітіп жібермей ме? Тілші толықтырады.

Босатылғандардың барлығы ақталды деген сөз емес, немесе кінәсі барлар да сытылып шығуы бек мүмкін. Қаңтардың 22-де құрылған Аманат қоғамдық комиссиясы бүгін 20-күнгі жұмысының нәтижелерімен бөлісті. Қорғаушы заңгерлер өздері бастама көтерген соң олардың азаматтық ұстанымы Ақ Ордадан қолдау тапқан. Бүгінге дейін комиссияның пәрменімен 85 адам абақтыдан шығарылды. Бұл істің басы ғана.

Қазақстан футбол федерациясының президенті Әділбек Жақсыбеков қызметінен кететінін мәлімдеді. Соңғы уақытта сынға көп ұшыраған федерация жаңа басшыларға үміткерлерді де сайлап қойды. Басшы ауысып бақ орнап, футболымыздың жайы жайқалып кете ме? Әлде баяғы жартас, сол жартастың күйін кешеміз бе тағы? Үлкен футболдағы үлкен қателік қайда жатыр? Тілшіміз Мұхтар Өміртай тарқатсын.

Қазы — қартаны қайдам, қараша енді қырыққабатқа зар болатын сияқты. Өйткені капустаның бір келісі 370 теңгеге дейін қымбаттап кеткен. Базар сөрелерінде өтпей тұрған көкөністің құнының артқанын көрген жұрт базынасын білдіріп жатыр. Сәбіз бен картоопты қойып, енді орамжапырақтың өзіне біраз шығындалатын болдық дейді. Әлеуметтік маңызы бар тауардың құны неге шарықтады? Әкімдер экспортқа тыйым салған Президент пәрменіне құлақ аспағаны ма? Әріптесім біліп …

Елімізде енді балалар үйірмелері тегін болады. Ұл — қыздың сабақтан тыс уақытта пайдалы дүниемен айналысуы үшін мемлекет ақша төлейді. Бірақ батпанқұйрық осы екен деп бас пайдасын күйттеген пысықайлар да табылуда. Баланың қатыспаған сағаты үшін ата — анаға қол қойдырып, қазынадан қаражат алудың қамын ойлағандар кім? Қосымша білім беру орталықтарының қызметі қадағалана ма? Әріптесім тарқатсын

Қаралы қаңтар күндері нысандары қираған тағы 102 алматылық кәсіпкер мемлекеттік қолдауға ие болды. Осылайша көптеген сауда нүктелерінде қалпына келтіру жұмыстары жалғасып жатыр. Жалпы аймақтық комиссия жұмысын бастағалы оңтүстік мегаполисте 362 кәсіп иесіне 644 миллион теңге өтемақы төленді. Ал «Инфоқазақстан» сайтына түскен барлық өтініштер саны 2 мыңнан асады. Комиссия өкілінің айтуынша кейбір өтініштер дұрыс толтырылмағандықтан, оны қарау мерзімі кейде белгіленген мерзімнен …

Қаңтар қасіретінің құрбандары мен жаппай тәртіпсіздік кезінде ұсталғандардың есімі жазылған сайт іске қосылды. Qantar2022.org деп аталатын порталда қазірдің өзінде жүзге жуық отандасымыздың есімі жарияланған. Іздеу батырмасына басып, керек адамдың атын я тегін терсеңіз, оған қатысты барлық мәліметтер экранға шығады. Дәлірек, ұсталғаны, іс-түссіз жоғалғаны немесе қаза тапқаны жайлы деректі көруге мүмкіндік бар. Сайтты құрастырушылардың сөзінше, жақынын іздеп жатқан барлық қазақстандықтар бұл …

Шекаралық облыстардағы сұйық отынның қымбат болуы тиісінше тауар бағасына да әсер етіп отыр. Ал тариф Энергетика министрлігінің бұйрығымен бекітілген. Бүгін батысқазақстандық бизнес өкілдерімен болған жиында осындай мәселе талқыға түсті. Орал өңірінен әріптесім Ерденбек Жылқайдарұлы әңгімелейді.

Қаңтар оқиғалары кезінде бейбіт шерулерді пайдаланып, жаппай тәртіпсіздік ұйымдастырған бірқатар қылмыстық топтар мен олардың жетекшілері қолға түсті. Бүгін ішкі істер министрлігінде хабарлағандай Криминалдық полиция департаменті өңірлік бөлімдермен бірлесе отырып Нұр-Сұлтан, Алматы, Ақтөбе, Өскемен және Қызылорда қалаларында жедел іздестіру шараларын өткізген.