Новости

Үйсіздер мен күйсіздерге көмек келетін күн жақын. Аса мұқтаж адамдардың ай сайынғы пәтерақысын мемлекет есебінен төлеу мәселесі бүгін Үкімет отырысында да айтылды. Арнайы санаттағы азаматтарға тиесілі бұл бастаманың жақсылығын 70 мың адам көргелі тұр. Әлихан Смайылов министрлер кабинетіне нақты тапсырма берді. Сюжет көріңіз.

Ел болам десең бесігіңді түзе. Енді балабақшаларға деген бақылау мен талап күшейеді. Бұл туралы бүгінгі Үкімет отырысында Білім және ғылым министрі Асхат Аймағамбетов мәлімдеді. Баяндамасын балабақшадан бастап, ЖОО-ның білім сапасын арттыру жайын да егжей-тегжейлі түйіндеп өтті. Мұғалімдердің мәртебесі туралы да ұмытпады. Тілшіміз Мұхтар Өміртай министр мәлімдемесінің мәйекті тұстарын тарқатып берсін.

Қасым-Жомарт Тоқаев тағы да жиын өткізді. Бұл жолы Президент елде жемқорлықпен күресіп жүрген мамандармен онлайн форматта кездесті. Мемлекет басшысы отырыста ауылшаруашылық, жол салу, мемлекеттік сатып алу саласындағы экономикалық былықтарға тоқталды. Тіпті, жемқорлыққа барған министрліктер, әкімдерді жауапқа тарту керектігін айтты. Ақорда мен Сыбайлас жемқоролыққа қарсы іс-қимыл агенттік өкілдерінің кездесуі жайлы Нұржан Сәдірбай баяндайды.

Сұмдық жәйт. Шымкентте қоқыс жәшігінен әйелдің денесі табылды. Мәйітті сол маңда тұрмыстық қалдықтар жинап жүрген келіншек байқап, полиция қызметкерлеріне хабарласқан. 30-35 жас шамасындағы әйелдің мүрдесі мұқият сөмкеге салынып, матаға оралған екен. Ал, оқиға куәгерлері марқұм азапталып өлтірілгенін айтады. Толығырақ әріптесім тарқатады.

Елімізде мыңнан аса ауылда мүлде интернет жоқ. Бұл статистика айтылғалы, пандемия басталғалы екі жылда цифрлық даму министрі екі рет ауысты. Тек интернет ғана емес, ұялы байланыс бармаған елдімекендер бар. Сондай ауылдың біріне әріптесім Артур Мағзомов барып қайтты. Сюжет көріңіз.

Шымкентте жантүршігерлік оқиға болды. Бір үйден үш адамның мәйіті табылды. Көршілерінің шақыртуымен келген тергеу тобы пәтердің есігін арнайы құрылғымен ашып кіргенде қимылсыз жатқан бір ер адам мен екі әйелді көрген. Марқұмдар неден көз жұмған? Жай-жапсарын тілшіміз Ғаплымжан Кенжебек тарқатып айтып береді.

Алматылықтар Сағынтаевпен қоштасып, Досаевпен достасты. Бұдан былай, алып мегаполисты Ұлттық банктің бұрынғы Төрағасы Ерболат Асқарбекұлы басқарады. Ал тура 720 күн әкімнің лауазымында отырған Бақытжан Сағынтаев алатау баурайындағы ағайынмен қимай қоштасты. «Қала өмірін жақсартуға бар күш жігерімді жұмсадым. Менің әрбір жұмыс күнім сіздердің көз алдарыңызда өтті», — деп жазды экс әкім әлеуметтік желідегі парақшасына. Екі жылда Бақытжан Әбдірұлы несімен есте қалды? …

Түркістан облысында айналасы бір сағаттың ішінде екі отар қой тірідей жанып кетті. Онымен қоса күлге айналған қораның ішінен шаруа қожалығына жалданып жұмыс істеген малшының да денесі табылды. Ұсақ мал қамалған тұрақтың екінші қабатында 150 тонна шөп жиналған екен. Алдын ала болжам бойынша, қызыл жалын ұсақ малға деп жиналған қысқы азықтан тұтануы мүмкін. Толығырақ келесі бейнематериалда.

Жаппай тәртіпсіздік кезінде шекарашылардың шаһардағы стратегиялық маңызы бар нысандарды күзетумен қатар көптеген әскери қызметкерлердің өмірілерін сақтап қалуға ат салысқанын көпшілік біле бермейді. Тіпті қарулы топтарды да ұстауға септігін тигізген. Тақырыпты тілшіміз тарқатады.

Түркістан облысында мәселеңді айтып бас көтерсең үйіңе пагондылар келіп қоқан-лоққы көресетеді. Тіпті, жұмысыңнан айырылып, үш айға қамауға аламыз деп қараша халықтың зәре құтын ұшыруды әдетке айналдырып алған дейді тұрғындар. Созақ ауданының халқы осылай деп зар еңіреп отыр. Үлкен ауылдың бір басынан екінші шетіндегі мектепке жаяу қатынап оқып жүрген балалары үшін автобус сұраған тұрғындарға жергілікті билік мәселені шешудің орнына, мәселе көтергендермен …