Новости

Құрылысы қоғамда үлкен дау туғызған «ЛРТ» жобасының болашағы бұлыңғыр. Қазір, сәулетшілер мен урбанистер «сақалды» жобаның келешегіне қатысты бас қатырып жатыр. Президенттің тапсырмасынан кейін қала әкімдігі де іске білек-сыбана кіріскен секілді. Арнайы орталық нысанға қатысты кәсіпкерлерден ұсыныстар қабылдауды бастады. Тіпті, алпауыт компания өкілдері млрдтаған қаржыға тұрғызылған бетон қондырғыларды алып, құрылысқа пайдалануға дайын е кендіктерін мәлімдеді. Ал, жаратылып кеткен 300 млн доллардың …

Бүгін Қазақстан Республикасының Тұңғыш Президенті-Елбасы Нұрсұлтан Назарбаев Қазақстан халқына үндеу жасады. Онда Елбасы 2022 жыл халқымыз үшін күрделі де қатерлі сынақтан басталғаныны тоқталып, бірлік барда ешбір жау сағымызды сындыра алмайтынын атап көрсетті.

Әлихан Смайыловтан алғашқы сын. Үкімет басшысы вакцинация қарқынын дұрыс жолға қоймаған әкімдерді атап, бұл мәселені тез арада қолға алуды тапсырды. Өйткені елдегі эпид ахуал алаңдатады. Тек соңғы айдың өзінде ауырғандар саны 20 есеге көбейіп отыр. Премьер-министрге осылай деп есеп берген бас дәрігер елде қосымша шектеу шараларының енгізілгенін хабарлады. Бұл не шектеулер? Нұрай Құрақпай тарқатсын.

Сұйытылған газ бағасының көтерілуі электронды сауда алаңындағы баға механизмінің дұрыс болмауымен байланысты. Бүгін Үкімет отырысында Бәсекелестікті қорғау агенттігінің төрағасы осылай мәлімдеді. Отырыста бірнеше компаниялардың аты аталып, оларға қатысты тергеу жұмысы жүріп жатқаны айтылды. Бағаны негізсіз көтерген қай компаниялар? Газ бағасының тұрақталуына қатысты сарапшылар пікірі қандай? Толығырақ тілші материалында.

Батыс Қазақстан облысында мүйізді ірі қара арасында жұқпалы дерт өршіп барады. Індетке шалдыққан малдың аузы түгел іріңдеп, қоректенуден қалатын көрінеді. Тұрғындар аталған ауру аусыл емес пе деп күдіктененіп отыр. Ал ветеринарлық басқарма өкілдерінің сөзінше лабороториялық зерттеу барысында әзірге аусыл қоздырғыштары табылмаған. Орал өңірінен әріптесім Ерденбек Жылқайдарұлы баяндайды.

Енді тұрғын үй маңындағы шағын азық — түлік дүкендерінің өзі қатаң бақылауда болады. Тауарына негізсіз тиын қосып, бағаны бей-берекетсіз өсіретіндер болса, бірден жауапкершілікке тартылады. Кәсіпкерлердің қитұрқылығын арнайы органдар қайдан білоеді демеңіз, қазір республика бойынша арнайы жедел желі де іске қосылған. Сенім телефонына қазірдің өзінде екі мыңнан астам адам қоңырау шалып, қымбатшылық туралы арызданыпты. Гүлнәзия Жалғасқызы толығырақ баяндайды.

Бұйыртса енді барлығы басқаша болады. Инфляция төмендеп, базардағы баға тұрақталып, айлығымыз артады. Бірақ, бұл тек бастамасы. Жақсылыққа жетелейтін басқа да жолдар қарастырылған. Бүгін Үкімет құрамы батасын беріп, бекіткен құжаттың болашағынан зор үміт күтіп отырмыз. Көп ұзамай шапағатын Сіз де, Бізде көреміз. Елдегі маңызды салаларды қамтыған елу бір іс-шара іске асырылады. Жұртын жарылқау үшін жасақталған «жаңа Үкіметтің» отырысынан Берік Байғара баяндайды.

«Қазақстан халқына» қорына жиналған қаражат 12 миллиард теңгеден асты. Барымен бөліскен жомарт жандардың дені — бір айлыққа қарап отырған мемлекеттік қызметкерлер. Ал, Президент әуелде қорды құрғанда елдегі бай адамдарды дәулетімен бөлісуге шақырған-тын. Бірақ қаражат аударып жатқандардың арасынан ат төбеліндей ғана бизнесмендерді байқадық. Басқалары неге үнсіз жатыр? Форбестің көшін бермейтіндер шетінен шық бермес Шығайбай болғаны ма сонда?! Айғаным Достанбайдың сюжетінде.

112 миллиард теңге. Лаңкестер Алматы қаласының көшесін қанға бояп қана қоймай, қып-қызыл шығынға батырды. Террористтердің өртеп, қиратқан нысандарын қалпына келтіруге, жаппай ұрланған бизнесті оңалту Үкіметке оңайға соқпасы анық. Бір ғана әкімдіктің ғимаратын жөндеуге 20 милиард теңге қажет. Ал кәсіпкерлерге келген шығын 67 милиард теңгеден асып жығылады. Толығымен орыс тілінде өткен жиналыстағы ақпаратты тілшіміз Берік Байғара қазақша жеткізеді.

225 адам. Қаралы қаңтардағы бүлік кезінде осыншама адам көз жұмған. Олардың бір бөлігі лаңкестер. Қаза тапқандардың арасында 19 полицей мен әскери қызметкерлер бар. Бұл қорқынышты мәліметті Бас прокуратура өкілі жариялады. Бірақ, бұл мерт болғандардың нақты саны емес, алдын ала санақ деп отыр. Құзырлы органдағылар қанша шеруге қатысқан қанша жанды қамауға алынғанын да жариялады.